ذل السـكوت .... الى ميسم

لا بارك الله بالسكوت وْسواته
إجتمعت رْخوم الزمن ضد الاسلام
الله على وقت ٍ كشفنا غطاته
يشبه لبزغ النور في ليل الاعتام
وين السلام اللي تنادي لغاته
ذيك السوالف من سواليف الإعلام
شفنا الفلسطيني يهل عْبراته
ذل السكوت اللي سكن ذيك الاجسام
المسلم اللي قد رمى في حصاته
ما له نصير ٍ والبخت طاح ما قام
بالأمس الافغاني وشفنا غلاته
ويْحاربه من لا يصلي ولا صام
اليوم ذي بغداد تلفي عداته
نبقى ولا زلنا على ذيك الاحلام
خافو غضب ربّ ٍ تجي معقباته
ما عاد ينفعكم ندم ذيك الايّام
يالنايم اللي ما صحى من سباته
في غفوتك تتراكم ذنوبك اكوام
شوف المسيحي ما كر ٍ في بغاته
شوف اليهودي دبّر الكيد لا حام
من لا يخاف الله ويترك صلاته
ربّي بلاه بْهالمصايب والآثام
ربّك عليم ٍ حاكم ٍ في قضاته
لا من قضاها تستوي دون صدّام
ربّي طلبتك يا عزيز ٍ بذاته
ياللي تعالى عن عبادات الاصنام
أرسل عذابك للمسيحي وهاته
معْه اليهودي والمنافق لقدّام
يبقون عبرة معتبر في حياته
يعلم بها كل البشر طول الاعوام
ربّي وما غيرك بنطلب رضاته
ربّي أنا أطلب بتكبيرة احرام
ربّي انا عبد ٍ شكى وش سواته
جيت التجي بك والتجي بك بالاسلام

**********************************

حروف لغتي تقف عاجزة امام روعة كلماتك فكل كلمة تكتبها او تنقلها فهي تنمى في رهفة اللشعور
ساقول لك انت شمعة مضيئة في منتدانا
تقبل محبتي