الكرسى المامى من حق من الزوجه ام الام؟

السلام عليكم ورحمة الله

شاب ركب سيارته مع امه وزوجته...

اذا بزوجته تركب الكرسي الامامي وامه العجوز تركب الكرسي الخلفي

امه التي قامت بتربيته والسهر علي راحته تركب من الخلف!!!!!!!

امه التي مهما فعل لن يرد ولو جزء بسيط من حقها

امه التي تخجل الكلمات من ان تعبر عما فعلته من اجله......



هذا الموضوع قابلني فحبيت اني نكتبه ونشوف ارائكم فيه


من الاحق بالكرسي الامامي الام ام الزوجه؟؟ولماذا؟؟

من رايي ان الام هي الاحق تقديرا لها ونظرا لكبرها لا اقصد كبر السن فقط بل كبر المكانة والقيمه

واللي انشوفو فيه من بناتنا توا اتقولك لا اني انقعمز في الكرسي الامامي جنب راجلي وامه في

الخلف ما نعرفش علاش ايديرو هكي توا هما مش حيحسو الموقف هذا لين ايجربوه والله بايخ صح

الام مش حتشكي ولا تتكلم لكن يبان في عيونها ولو ما قالاته لحد اكيدة قالاته بينها وبين نفسها

واتقول: يا ابني انا احق بالمكان هذا...


بالنسبة للزوجة يعني شن الفرق لو قعدت في الكرسي الامامي او الخلفي؟؟

وشن موقف الرجل لو قابله الموقف هذا بين امه وزوجته؟؟

هل حيقول لزوجته امي هي اللي تركب في الكرسي الامامي؟؟

ام ايخلي زوجته الامام وامه في الخلف؟؟

المسالة من وجهة نظري مش الامام او الخلف المسالة مسالة احترام من قبل الزوجة للام مش اكثر



انتظر ردودكم وارائكم


***تحياتي***yjuytk

فعلا اخى هلبة بنات تفكيرها هكى انى اللى احق نقعمز القدام
بس مرات ماتلومش المراة لوم الراجل اللى رضى بأن
امه تقعمز ورا مرته
بس عن نفسى اكيد لا فى حاجة اسمها احترام للسن والمكانة
حتى لو هيا كانت راضية انى مانرضاش
رجاء تقبل مرورى

اول شئ نحييك على الموضوع الرائع والجميل
تاني شئ اكيد الكرسي الامامي من حق الام
لان الجنة تحت الاقدام الامهات
بعدين امي هيا الي جابتني وليها فضل كبير علي
المهم رضا الوالدين قبل كل شئ
بعدين لابتنفعك زوجتك ولا بينفعك حد غيرها
تقبل المرور

دنيا ولت صعبة الى يتجوز خلاص ينساء امه ومرته هيا لى تتحكم فيه يعنى تكون هيا امه ومرته وتتحكم فيه زى العبة فى ايده هدا الى صاير يا اخسارة وخلاص الام اتربي وتجى لمراء تاخد على الجاهز دنيا